अफगानिस्तानमा भएको सुरक्षा कारबाहीमा ७४ जना तालिवान आतंककारीको मृत्यु भएको छ । गएको २४ घण्टाभित्र गरिएको कारबाहीमा परी अन्य २५ जना घाइते भएका छन् ।
अफगानिस्तानाको सधैँ अशान्त भइरहने प्रान्तमा गरिएको कारबाहीमा ११ जना इस्लामिक स्टेट्स आइएस लडाकूसहित ७४ जनाको मृत्यु हुनुका साथै अन्य २५ जना घाइते भएको अफगान रक्षा मन्त्रालयले विज्ञप्तिमार्फत जानकारी दिएको छ ।
कारबाहीको क्रममा अन्य पाँच आतंककारी पक्राउ परेका पनि विज्ञप्तिमा जनाइएको छ ।
अफगान सुरक्षाबलले आइएस लडाकू लुकेर बसेको स्थान ध्वस्त गर्नुको साथै दुईवटा सवारीसाधनसमेत ध्वस्त गरेको बताइएको छ ।
कारबाहीको क्रममा सुरक्षा बलतर्फ भने कुन क्षती नभएको जनाइएको छ । तालिवान आतंककारी समूहले भने कारबाहीको विषयमा कुनै टिप्पणी गरेका छैनन् ।
http://fb.me/8EJ3k3ayVIpB5s
