गैरआवासीय नेपाली संघ (एनआरएनए) को आठौं विश्वसम्मेलनबाट बन्ने नयाँ नेतृत्वका लागी युरोप सह-संयोजकको रुपमा भिम केसी ‘कमल’ ले आफ्नो उम्मेदवारी घोषणा गरेका छन ।
पोर्चुगलमा रहेर लामो समयदेखी एनआरएनएमा सक्रिय कमलले संघमा युरोपका नेपाली समुदायको सहभागिता बढाउने एवं विश्वभरका नेपाली समुदायलाई अझै गोलवद्ध बनाउने अभियानसहित आफ्नो उम्मेदवारी घोषणा गरेको बताएका छन ।
https://www.facebook.com/lensartofficial/videos/1952200758386500/
विदेशमा रहेर पनि आफ्नो नियमित व्यवसायसँगै नेपालभित्र र बाहिर रहेका नेपाली समुदायको सेवामा समर्पित भिम केसी कमलले युरोप क्षेत्रका नेपाली समुदायका दुःखसुखमा सक्रिय सहभागिता जनाउदै आएका छन ।
नर्वेबाट बिशेष शिक्षा शास्त्रमा पोष्ट ग्राजुएट गरेका केसीले त्रिभुवन विश्वविद्यालबाट काुननमा बिएल, लेखामा बीबीएस र शिक्षामा एमएड सम्मको अध्ययन गरेका छन् ।
एन.आर.एन.ए. मा बिगत लामो समयदेखि आबद्द हुदै गतिलो अनुभव बटुलेका के.सी; सन् २००९–११ मा पोर्चुगल एन.आर.एन.ए .को उपाध्यक्ष, सन् २०११–१३ मा अन्तरराष्ट्रीय समन्वय समितिको मिडिया टाश्कफोर्स सदस्य र सन् २०१३–१५ मा पोर्चुगल एनआरएनको सल्लाहकार हुँदै २०१५-१७ को कार्यकाल अध्यक्षको पद सम्हाली सफल कार्यकाल चलाएका ब्यक्तित्व हुन ।
एन.आर.एन.ए का अभियन्ताहरुलाइ सम्झिदै के.सीले बिगत लामो समय देखि सस्थामा आबद्द रही बटुलेको अनुभव पुन एन.आर.एन.ए र नेपाली समुदायको हक हितमा नै खर्चिन चाहेकोले, आफुलाइ सहयोग गरि पुन कार्यसमिति भित्र नै रही थाती रहेका कार्य सम्पादान गर्नी वातावरणको श्रीजना गरिदिन सम्पूर्ण नेपाली समुदाय र बिशेस एन.आर.एन.ए सस्थामा आबद्ध मित्रहरु लाइ हार्दिक अनुरोध पनि गरेका छन।
