गत हप्ता पोर्चुगलमा हत्या गरिएका हरि बहादुर जिसीको हत्यामा आरोपित अर्जुन सापकोटा लिस्बोन पोर्तुगलमा पक्राउ परेका छन् । जिसीको अन्तिम दाह संस्कार आजै हुदैगर्दा त्यही समयमा केही नेपालीहरुको सहयोगमा पोर्तुगिज प्रहरीले उनलाई पक्राउ गरेको हो ।
सापकोटा लिस्बोन रोमा स्थित पोखरा रेस्टुरामा गएका थिए।सोहि रस्टुरेण्टमा रहेका बिष्णु अवस्थी र अन्जु गजुरेललाई सापकोटाबारे शंका लागेपछि नेपाली समुदायसंग सुराकी गरेका थिए। लगत्तै, गैरआवासीय नेपाली संघ पोर्चुगलका नवनिर्वाचित उपाध्यक्षद्वय कमल गुरुङ र नारायण काजी मगरकासाथै नरभुपाल राइ, राजकुमार गुरुङ, मनिराम नेपाली लगायतको टोली त्यहा पुगी सबैको सहयोगले निज सापकोटालाई पक्रन सफल भएका थिए ।
स्रोतका अनुसार सापकोटा फरार भए लगत्तै पोर्चुगिज प्रहरीले त्यहिँका केहि नीपालीहरुलाई सुराकीको रुपमा सहयोग गर्न आवहान गरेको थियो । सापकोटालाई चिनेका केहि नेपालीहरुसित गोप्य तरिकाले छलफल गरि सापकोटाको सम्भाब्य क्षेत्र र उनका निकटका ब्यक्तिको निगरानी र सुराकी गर्न प्रहरीले खटाएको थियो । प्रहरीको आग्रह अनुसार ति नेपालीले सापकोटाको खोजिनिति गरेका थिए ।
