गत बर्ष रिलिज भएको हास्यप्रधान चलचित्र “छक्का पन्जा” दर्शकले निक्कै मन पराएपछि यो वर्ष ‘छक्का पन्जा २’ आउने भएको छ । असोज ११ गते रिलिज हुन लागेको यस चलचित्रको पहिलो गीत सार्बजनिक भएको छ ।
चलचित्रको टिजर सार्वजनिक भएको केही दिनपछि ‘ए दाजु नसमाउ नाडीमा’ बोलको गीतको भिडियो सार्वजनिक भएको हो । गीतमा अल्मोडा राना उप्रेती र सुजता बर्माको स्वर छ भने प्रिन्स र अल्मोडाको संगीत छ ।
यस गीत मा शब्द भने प्रिन्स र दीपकराज गिरीको छ । गीतको भिडियोमा चलचित्रका मुख्य कलाकार जीतु नेपाल, केदार घिमिरे, बर्षा राउत, स्वस्तिमा खड्का, स्वरुप पुरुष ढकालको अभिनय देख्न सकिन्छ ।
चलचित्रमा दीपकराज गिरी, प्रियंका कार्की, शिवहरि पौडेल, बुद्धि तामाङ लगायतका कलाकारको पनि मुख्य भूमिका छ । यस चलचित्रलाई दीपाश्री निरौलाले निर्देशन गरेकी हुन् ।
चलचित्रमा कविराज गहतराजको कोरियोग्राफी रहेको छ भने रोशन श्रेष्ठको एक्सन, विपिन मल्लको सम्पादन, दिर्घ गुरुङको छायांकन छ । चलचित्रका कार्यकारी निर्माता विकास आचार्य हुन् भने निर्माता दिपक राज गिरि पनि हुन् । कार्यक्रममा कलाकार दीपकराज गिरीले यो गीतलाई ट्राभल गीतको रुपमा वुझिदिन सबैलाई आग्रह गरेका थिए ।
