मालिका गाउँपालिका २ रुमकी ३२ वर्षीया रन्जनाले कोदालो प्रहार गर्दा श्रीमान् शिव जिसीको मृत्यु भएको छ । प्रहरीका अनुसार घरायसी विवादमा श्रीमतीले टाउकोमा कोदालो प्रहार गर्दा जिसीको घटनास्थलमै मृत्यु भएको हो । श्रीमान्–श्रीमतीबीच भनाभन र हातपात भएपछि रिसको झोकमा प्रहार गरेको कोदालो श्रीमान्को टाउकोमा बज्रन पुगेको थियो ।
इलाका प्रहरी कार्यालय दरवाङले रन्जनालाई घरबाट पक्राउ गरी अनुसन्धान सुरु गरेको जनाएको छ । मृतकको जिल्ला अस्पतालमा पोस्टमार्टम भइरहेको छ ।
