लण्डन । छैठौं मिस यूके नेपाल २०१७ मा माल्भिका सुब्बाले कोरियोग्राफरको भुमिका निभाउने भएकी छिन् । मिस यूके नेपाल आयोजक इभेन्ट्स एण्ड आइडियाजकी निर्देशक शान्ति गुरुंगले पूर्व मिस नेपाल तथा चर्चित मिडिया पर्सनालिटी माल्भिकाले यस वर्षको मिस यूके नेपाल प्रतियोगितामा मुख्य कोरियोग्राफरको भुमिका निर्वाह गर्ने जानकारी दिएकी हुन् ।
मिस यूके नेपाल २०१७ को फाइनल आउँदो सेप्टेम्बर १० तारिखमा निर्धारित छ । प्रतियोगिताका प्रतिस्पर्धीहरुलाई प्रशिक्षण गराउन माल्भिका अगस्ट २५ मा बेलायत अाउनेछिन् । फाइनलअघि २ साता सम्म उनले प्रतियोगीलाई व्यक्तित्व तथा आत्मविश्वास विकास, प्रस्तुति तथा बोल्ने शैलीसहित मोडलिङका विविध पक्षमा प्रशिक्षण दिनेछिन् । मिस यूके नेपालको गत वर्षको प्रतियोगितामा नायिका प्रियंका कार्की मुख्य कोरियोग्राफर थिइन् ।
अडिसन शनिबार मिस यूके नेपाल २०१७ को अडिसन यहि शनिबार जुलाई १५ मा फार्नबरोस्थित गोर्खा प्यालेस रेस्टुरेन्टमा हुँदैछ । न्युनतम ५ फिट २ इन्च उचाई , १६ देखि २४ वर्षसम्मको उमेर, कम्तीमा २ वर्षका लागि बेलायतको आवासीय अधिकार (भिसा) लगायतका शर्त पूरा गर्नेले मात्र आवेदन दिन पाउनेछन् ।
इच्छुक प्रतियोगीहरुले मिस यूके नेपालकी संयोजक शान्ति गुरुङलाई shantigurung327@gmail.com अथवा 07578365566 मा सम्पर्क गर्न सक्नेछन् ।
प्रतियोगिताको बिजेताले ८ सय पाउन्ड , फर्स्ट रनर अपले ५ सय पाउन्ड तथा सेकेण्ड रनर अपले ३ सय पाउण्डको नगद पुरस्कार पाउनेछन् । त्यसबाहेक बिजेताहरुलाई मिडिया तथा मोडलिङका क्षेत्रमा समेत अवसर दिइनेछ ।
